"Ndeh, papi.. Cari lah karajo lai. kalau bantuak iko taruih jo apo makan wak papi?" kecek mami.
"Tanang se lah mami, Papi lah di tarimo di Kantua DePag, subanta lai papi lah karajo mami. Hari senin bisuak papi lah mulai pakai seragam pegawai." Jawek papi yakin.
"Rancak tampek karajo papi mah.. Jadi, Apo jabatan papi di sinan? Lai tinggi ndak? lai bisa tabali BMW wak papi?"Tanyo mami liak.
"Jan kan BMW, mami minta Rumah Elit, papi agiahan mah. Untuak mami ku tersayang apo lah yang indak....".Papi mulai merayu mami.
"Ondeh.. sabana tu papi? emangnyo jadi apo papi di sinan?"Tanyo mami serius."
"Lai tinggi jabatan papi di sinan .. Jabatan papi se pakai bahaso inggris... Takajuik papi waktu mandapek jabatan tu... sanang bana hati papi dek nyo..."Jawek papi baliak.
"Emang apo jabatan pakai bahao inggris tu?"Tanyo mami.
"Mmmm....Kalau ndak salah. Jabatan papi di sinan. CLEANING SERVICE. " Jawek Papi Bangga.
"Ndeh... Keren mah.. Sanang hati mami danganyo papi." Mami pun tersenyum.
-Bersambung-
Tidak ada komentar:
Posting Komentar